Verkefniskynning

Í samræmi við yfirlýsingu milli mennta- og menningarmálaráðuneytis og Reykjavíkurborgar frá nóvember 2010 um samstarf í húsnæðismálum framhaldsskóla í borginni var ákveðið að farið yrði í brýnustu framkvæmdir við Menntaskólann við Sund.
Þessar brýnustu framkvæmdir innbáru stækkun skólans í samræmi við nemendafjölda auk bætts aðgengis milli álma skólans, sem eru frá ýmsum tímum, bætts aðgengis fatlaða með uppsetningu lyftu í húsið, bættri salernisaðstöðu og úrbóta vegna eldvarna.

Útboð í verklega framkvæmd var auglýst 18. janúar síðast liðinn og tilboðum skal skila inn 11. mars 2014.

Menntaskólinn við Sund viðbygging
Frumathugun

Unnin var Frumathugun um verkefnið hjá FSR, að undangenginni þarfagreiningu, þar sem niðurstaðan var að viðbyggingin þyrfti að vera um 2700 m2, auk einhverra afleiddra breytinga á núverandi húsnæði. Ákveðið var að halda arkitektasamkeppni til lausnar verkefninu . Góð þátttaka var í samkeppninni og bárust 19 áhugaverðar tillögur, fékkst niðurstaða í október 2012 þegar dómnefnd valdi tillögu frá Skipark arkitektum í 1. sæti.

Áætlanagerð

Heildarhönnun viðbyggingarinnar er nú lokið. Viðbyggingin er tveggja hæða og ½ þriðja hæð að Gnoðarvogi , einnar hæðar fjölnotasalur í miðju skólans, með mötuneyti fyrir bæði nemendur og starfsfólk og hluti viðbyggingarinnar er einnig þriggja hæða tengigangur milli tveggja núverandi bygginga. Í viðbyggingunni verða tvær lyftur, sem vantað hefur alveg í skólann. Auk nýrrar viðbyggingar verða framkvæmdar breytingar á um 850 m2 í eldra húsnæðinu. Heildarstærð viðbyggingarinnar verður 2.832 m2, þannig að heildarstærð alls skólahúsnæðisins verður eftir stækkun um 7800 m2.

Áætlaður heildarkostnaður við framkvæmdirnar, bæði nýja viðbyggingu og breytingar á eldra húsnæði eru um 1.1 milljarður kr., þar af eru byggingarframkvæmdir áætlaðar um kr. 870 m.kr. Kostnaðarskipting á milli ríkisins og Reykjavíkurborgar er 60/40.
Miðað hefur verið við að viðbyggingin gæti verið tilbúin til innflutnings haustið 2015.

Verkleg framkvæmd

Í útboði

BIM

BIM aðferðafræðin er notuð í þessu verkefni. Hönnunin fór fram eftir BIM og mun verktaki tengja sína verkáætlun við líkönin.

Hafðu samband ef þú vilt vita meira

FacebookTwitterGoogle+