Kjörið tækifæri til að hafa áhrif

Á næsta starfsári losna tvö sæti í stjórn BIM Ísland. Þetta er kjörið tækifæri fyrir þau sem hafa sérhæft sig í BIM aðferðarfræðinni og notkun upplýsingatækni í mannvirkjagerð. Þátttaka í stjórn BIM Ísland er bæði tækifæri til að læra, miðla þekkingu og hafa áhrif á þróun BIM á Íslandi.

Við leitum að fólki sem hefur áhuga og svigrúm til að taka virkan þátt í störfum stjórnarinnar. Um leið er þetta kjörið tækifæri fyrir samfélagslega ábyrg fyrirtæki til að taka þátt í þróun markaðarins.

Þau sem hafa áhuga eru hvött til að senda póst á bim@bim.is með stuttri lýsingu á reynslu fyrir 19. mars 2025. Stjórn BIM Ísland mun í kjölfarið stilla upp tillögu fyrir aðalfund að næstu stjórn.