Dagur stafrænnar mannvirkjagerðar
23. október. 2024
Dagur stafrænnar mannvirkjagerðar fór fram 23. október 2024 í Hörpu. BIM Ísland hélt ráðstefnuna sem heppnaðist vel og frábær þáttaka var á deginum. Davíð Friðgeirsson, formaður BIM Ísland setti ráðstefnuna og Bergur Ebbi var ráðstefnustjóri. Erlendir og íslenskir sérfræðingar fluttu erindi sín fyrir fullu Silfurbergi. Fyrirlesarar deildu innsýn sinni í meðal annars Open BIM, gæði upplýsinga í líkönum, sjálfvirka yfirferð byggingarleyfisumsókna, sjálfvirkni, og gervigreind. Fjallað var um hvernig þessar nýjungar geta stuðlað að aukinni framleiðni, sjálfbærni og hagkvæmni í hönnun og framkvæmd.
BIM Ísland þakkar gestum, fyrirlesurum og sýnendum kærlega fyrir komuna.
BIM Skapalón
BIM Ísland ætlar að hefja reglulega hittinga, fyrirlestra, fræðslu eða vinnustofur í samstarfi við aðildarfélög BIM Íslands. Viðburðirnir verða fyrir faghópa innan mannvirkjageirans til að halda utan um umræður og bjóða upp á umgjörð þar sem hægt er að dreifa þekkingu. Aðildarfélögin fá þannig tækifæri til þess að kynna fyrir markaðinum það sem þau eru að gera vel, framþróun sem þau vilja sjá eða opna á umræður. Einnig er þetta gott tækifæri til að stækka tengslanetið og hitta samstarfsfólk fyrir utan hefðbundin verkefni. Viðburðirnir verða mánaðarlega til að byrja með og verða opnir öllum.
- 8. mars – BIM í samgönguverkefnum – Ístak og Vegagerðin
- 12. apríl – Frá BIM360 til ACC – Gagnastýring, hugverkavernd og rýniferlar – Verkís
- 3. maí – BIM á Norðurlandi – Nordic og Kollgáta
- 7. júní – Teikningalaus bygging Fossvogsbrúar – EFLA
Dagur stafrænnar mannvirkjagerðar
Það var frábær þátttaka og mikil stemming á degi stafrænnar mannvirkjagerðar sem haldin var af BIM Ísland í Hörpu þann 11. maí 2023 sl. Sigurður Ingi innviðaráðherra setti ráðstefnuna og Bergur Ebbi var ráðstefnustjóri. Fyrirlesarar fluttu áhugaverð erindi þar sem áherslan var lögð á þær stafrænu umbreytingar sem geta aukið virðissköpun og hagrætt í hönnun, framkvæmdum og rekstri mannvirkja, með áherslu á sjálfbærni, stjórnsýslu og tækninýjungum framtíðarinnar.
Fjöldi fyrirtækja sýndi vörur sínar og þjónustu á sýningarsvæði ráðstefnunnar og gátu gestir kynnt sér þær.
BIM Ísland þakkar gestum, fyrirlesurum og sýnendum fyrir komuna.
Magntökureglur og BIM, vinnustofa
Í dag byggja reglur við magntöku á íslenskum markaði oftast á gömlum óskrifuðum hefðum. Þessar hefðir styðja ekki endilega við notkun þrívíðra líkana sem getur skapað vandamál og misskilning á milli hönnuða, verktaka og verkkaupa. Stjórn BIM Ísland hefur áhuga á að mæla með notkun á magntökureglum frá Molio á Íslandi. Það er okkar trú að samþætt notkun á flokkunarkerfi og magntökureglum sem styðja við líkön getið stuðlað að hagræði fyrir alla virðiskeðju byggingaframkvæmda.
Markmiðið með vinnustofunni er að kynna magntökureglurnar, tækifærin sem í þeim felast fyrir byggingariðnaðinn og fá viðbrögð frá markaðinum um þetta skref.
Hér fyrir neðan má sjá upptöku frá vinnustofunni
Magntökureglur og BIM, vinnustofaMagntökureglur og BIM, vinnustofa
Posted by BIM Ísland on Thursday, 7 October 2021
BIM í stórum verkefnum – örráðstefna
Ásbjörn Jónsson, sviðsstjóri hjá NLSH mun kynna hvaða hlutverki BIM gegnir í uppbyggingu Meðferðarkjarna Nýja Landspítalans sem nú stendur yfir. Mikil áhersla hefur verið lögð á notkun BIM í hönnun Meðferðarkjarnans og ekki síður í uppsteypu hans sem nú er hafin. Mun Ásbjörn meðal annars segja frá nýrri nálgun á eftirlit og skráningu framvindu sem byggir á BIM.
Ingibjörg Birna, þróunarstjóri BIM hjá Ístak fjallar um BIM í hönnun og framkvæmd Nuuk skjóla í Grænlandi, sem Ístak er alverktaki á, m.a. kröfur verkkaupa um byggingaflokkun og samræmingarferli og hvernig BIM kröfur nýtast í verkefninu, bæði beint og óbeint.
Sjálfvirkni í hönnun og framkvæmdum
Undanfarin ár hafa komið á markað verkfæri sem bjóða upp á aukna sjálfvirkni í hönnun. Að þessu sinni býður BIM Ísland upp á kynningar frá þremur leiðandi sérfræðingum á þessu sviði sem munu gefa innsýn inn í mismunandi birtingarmyndir sjálfvirkni í hönnun, allt frá CAD (Computer Aided Design), Parametríska hönnun, sjálfvirkni í hönnun og generative design.
Viðburðurinn verður rafrænn og hægt verður að tengjast í gegnum Zoom. Viðburðurinn hefst kl 9:30 á fimmtudag, 25. Mars.
Dieter Vermeulen – Technical Specialist í Generative Design & Engineering hjá Autodesk.
Dieter mun segja okkur frá þróun verkfæra fyrir generative design, Dynamo og fleira hjá Autodesk. Þannig mun hann gefa þátttakendum inngang að sjálfvirkni í hönnun og framtíðarsýn.
Jens Fobian-Larsen – COO hjá CN3 í Danmörku.
Jens mun kynna starfsemi CN3 er ráðgjafafyrirtæki í Danmörku sem nýtir tækni til þess að auka framleiðni í framkvæmdum og hönnun. CN3 nýtir parametríska- og sjálfvirka hönnun í ýmsum verkefnum.
Sebastiano Lombardo, PhD, MsC – Regional Director for Scandinavia hjá Maffeis Engineering í Ítalíu.
Sebastiano ætlar að segja okkur frá hvernig Maffeis beitir parametrískri hönnun. M.a. hvernig þeir tengja saman BIM líkön og greiningarlíkön burðarvirkja í dýnamísku ferli.
